logo
Blog single photo

Շնորհավո՜ր ծնունդդ Նոկա

Այսօր՝ դոկտեմբերի 18-ին, հայրենիքի պաշտպանության ժամանակ զոհված Նորայր (Նոկա) Խաչատրյանի ծննդյան օրն է, նա զոհվել է 19 տարեկանում։ Նորայրը ծնվել է Ստեփանակերտ քաղաքում, զինվորականի ընտանիքում: 2013թվ. զորակոչվել է պարտադիր զինվորական ծառայության: 2015թվ. սեպտեմբերի 25-ին ադրբեջանական զինուժի կողմից թուրքական արտադրության TR-107 կայանքներից հրթիռահրետանային արկակոծման հետևանքով ՊՆ թիկունքում տեղակայված ստորաբաժանումներից մեկի ուղղությամբ, որի հետևանքով հայկական կողմն ունեցել է 4 զոհ 16 վիրավոր: Բեկորային մահացու վիրավորումներ են ստացել` Կարեն Շահինյան(1997թվ.), Նորայր Խաչատրյան(1995թվ), Ռոբերտ Մկրտչյան(1995թվ), Հարութ Հակոբյան(1997թվ.): Նորայր Խաչատրյանը և իր զինակից ընկերները  հետմահու պարգևատրվել են ՀՀ նախագահի կողմից «Մարտական ծառայություն» մեդալով։                                                                                                                                                          ՊԲ պահեստազորի գնդապետ Գրիգորի Սահակյանը Նորայր Խաչատրյանին նվիրված հուշ-ցերեկույթին խոսելով նրա մասին ասել է՝ «Ամենից կարևոր մասնագիտությունը երկրի պաշտպանությունն է և Նորայր Խաչատրյանը նահատակվեց հենց այդ գաղափարով:
Նա գտնվեց այնտեղ, որտեղ կարող էր գտնվել մեր զավակներից յուրաքանչյուրը, կատարեց հայրենասերի առաջ դրված առաքելությունը և իրականացրեց այն պարտականությունը, որի համար հերոսացավ: Հայրը՝ Միքայել Խաչատրյանը, այնպիսի հայրենասիրությամբ ու ազգային ոգով է դաստիարակել իր որդուն, որ այսօր հպարտությամբ ենք խոսում նրա մասին: Ես վստահ եմ, որ մեր պաշտպանության բանակը պատրաստ է ամեն վայրկյան պաշտպանելու մեր ժողովրդի խաղաղ կյանքը: Ապրիլյան քառօրյա պատերազմից ամիսներ առաջ թշնամու կողմից կատարված ոտնձգությունը կարելի է համարել քառօրյա պատերազմի նախապատրաստական փուլ, որի ընթացքում ցավոք սրտի նահատակվեցին Նորայրը և իր ընկերները: Նրանք արել են ամեն ինչ, որ մենք կարողանանք ապրել խաղաղ հայրենիքում: Փառք ու պատիվ նրանց ու մեր բոլոր հերոս ընկերներին»։          

Top