- Երևան
- Հետադարձ կապ
Ամանորի և Սուրբ ծննդյան տոների կապակցությամբ Տող գյուղի համայնքապետ Վարդան Գրիգորյանը՝ գյուղի ակտիվ երիտասարդների հետ այցելել է առաջնագիծ՝ շնորհավորելու մեր սահմանների պաշտպանների տոները։ Ջերմ ու անկեղծ մթնոլորտում Վարդան Գրիգորյանը նախ բոլոր տողեցիների անունից շնորհակալություն հայտնեց սահմանի պաշտպաններին, ապա բարեմաղթեց խաղաղ ու բարեբեր տարի մեր զինծառայողներին ու նրանց ընտանիքներին։ Երկուստեք հաճելի ու ջերմ հանդիպման վերջում բարձրացվեց գալիք տարվա կենացը, որն, անկասկած, հայոց բանակի համար շարունակելու է լինել սահմանների ամրապնդման ու բարձր մարտական ոգու ժամանակաշրջան։
