logo
Blog single photo

Նահատակ հերոս Կարեն Ուլուբաբյանը 2014թ. օգոստոսին հակառակորդի դիվերսիան կանխած հերոսներից մեկն էր

  Այսօր  Մարտունու ՊՇ-ում զոհված Կարեն Ոուլուբաբյանի ծննդյան օրն է․ Կարենն ասում էր՝ «Ամեն զինվոր զոհվելիս մենք էլ ենք հետը մեռնում»:                                                                                                                                                                  2017թ․ հունվարի 22-ին՝ ժամը 23:25-ի սահմաններում, ՊԲ արևելյան ուղղությամբ տեղակայված զորամասերից մեկի պահպանության տեղամասում մահացու հրազենային վիրավորում է ստացել պայմանագրային զինծառայող, 1995թ. ծնված Կարեն Մարատի Ուլուբաբյանը: Կարեն Ուլուբաբյանը ԱՀ Մարտունի քաղաքից էր: Ավարտել է Մարտունու թիվ մեկ միջնակարգ դպրոցը: Պարտադիր ժամկետային զինծառայությունից (2013-2015 թթ) հետո նա մնաց Արցախի Պաշտպանության բանակում  և շարունակեց իր հայրենանվեր գործը՝ հայրենիքի պաշտպանությունը: 22-ամյա Կարեն Մարատի Ուլուբաբյանն 2014թ. օգոստոսի 4-ին զինակից ընկերների հետ կանխել էր ղարաբաղա-ադրբեջանական զորքերի շփման գծի հարավարևելյան ուղղությամբ Ադրբեջանի հատուկ ստորաբաժանումների հայկական մարտական հենակետերի ուղղությամբ հերթական դիվերսիոն հարձակումը:Դիվերսիոն հարձակման մանրամասները հայտնի չեն, միայն հայտնի է, որ Ադրբեջանի հատուկ ստորաբաժանման 3 զինծառայող սպանվել է, ևս 6-ը` վիրավորվել: Ակտիվ մասնակցություն ունեցել է 2016-ի ապրիլյան մարտական գործողություններին: Կարենի հայրն, ով Արցախյան պատերազմում վիրավորվել էր գլխից, մահացել է 2013թ. գլխում առկա բեկորների պատճառով: Կարենը կրում էր զոհված հորեղբոր՝ Արցախյան ազատամարտում զոհված հերոս Կարեն Ուլուբաբյանի անունը, ում հիշատակին ներկայումս անկյուն կա Մարտունու ՊՇ զորամասերից մեկում, իսկ  Մարտունի քաղաքում փողոց կա հերոսի անվամբ: 

Top