- Երևան
- Հետադարձ կապ
Նամակ ապրիլյան պատերազմից հետո ծնված ապրիլյան պատերազմի նահատակ հերոս՝ Ադամ Սահակյանի անունը կրող փոքրիկի մայրիկից Ադամ Սահակյանի մայրիկին...
«Բարև Ձեզ։ Խորին երախտիքն եմ իմ ընտանիքի անունից հայտնում Ձեզ, այդպիսի զավակ ունենալու համար։ Իսկապես հպարտանալու բան է։ Ուզում եմ իմ որդու ՝ Ադամի անունի պատմությունը պատմել։ Մենք՝ ես ու ամուսինս ապրիլյան պատերազմից հետո ենք ամուսնացել։ Ինը ամիս անց ծնվեց մեր առաջնեկը, ի պատիվ Ձեր որդու կոչեցինք Ադամ։ Նա մեր հերոսն է մեր Ադամը Սահակյանը։ Ուզում եմ իմանաք, այդ օրը, երբ պիտի ունենայի որդուս՝ օգոստոսի 30-ին, երազ տեսա, իբրև հակառակորդը ներխուժել է մեր երկիր, իսկ ես նորածնիս գրկիս փախչում էի։ Ադամը գրկիս մի լույս էր, կարծես ապագայի խորհուրդ։ Հերոսածին մայր տիկին Գայանե, ձեր որդու անունը դնելով, մենք փորձում ենք ապագա հերոս մեծացնել մեր օջախում։ Հազար անգամ շնորհակալ ենք, որ Ադամի նման հայրենասեր որդի եք մեծացրել ու նվիրել հայրենիքին»։
