logo

Blog single photo

ԱՅՍՕՐ ՎԱՍՏԱԿԱՎՈՐ ԲԺԻՇԿ ԽԱԼԻՍԱ ԱՐԶՈՒՄԱՆՅԱՆԻ ՄԱՀՎԱՆ 2-ՐԴ ՏԱՐԻՆ Է

Մեծ էր Խալիսա Արզումանյան բժշկի գործունեությունն Արցախում։ Մինչեւ 1988 թվականի հայտնի դեպքերը ` նա աշխատում էր Ժդանովի շրջանում։ Տարիներ շարունակ աշխատել է որպես բժիշկ , բուժհաստատության գլխավոր բժիշկ։ Հետաքրքիր ու հպարտանալու փաստ է , որ Խ.Արզումանյանը մինչեւ կյանքի վերջին մայրամուտն աշխատում էր Ճարտարի տեղամասային հիվանդանոցում։ Պատահական չէ , որ բժիշկ Արզումանյանին էին դիմում անգամ այլ գյուղերից եւ քաղաքներից . փաստն այն էր, որ նրա ախտորոշումները հաստատվում էր անգամ Ռուսաստանի և այլ պետությունների լավագույն մասնագետների կողմից։ Մեր թղթակցի հետ զրույցում Խալիսա Արզումանյանի թոռը ` Վովա Արզումանյանն ասաց , որ այս երկու տարին շատ ծանր է անցել , անգամ չի համակերպվել, որ իր սիրելի տատիկը, հիվանդների անկրկնելի բժշկուհին չկա։ Հիշեցնենք , որ Վ.Արզումանյանն իր հեղինակային առաջին գիրքը ` «Ճերմակ կարոտ» վերնագրով, նվիրել է իր տատիկի վառ հիշատակին։ Շարունակելով մեր զրույցը, Վովա Արզումանյանը շեշտեց, որ մինչև օրս էլ հանրությունն ափսոսում է , որովհետև բժշկուհին սպասարկում էր բոլորին ` անկախ տարիքից , բնակավայրից ,առողջական խնդիրներից։ «Տատիկիս ժպիտը շատ էի սիրում ... ամեն օր մտքումս պահում եմ այդ ժպիտը, հույս ունենալով ,որ օրս հետաքրքիր կանցնի։ Նրա դասերն ամենակարևորն էին իմ կյանքում։ Միշտ ասում էր, որ աշխատելով շատ բանի կհասնեմ։ Նրա ամենաինքնատիպ կերպարն` այսինքն նվիրումը, բարությունն ու հոգատարությունն ինձ ուղեկցում են հիմա։ Ես հավատում եմ ամեն բացվող լուսաբացի , բայց սպասում եմ անդադար... օդը խեղդում է ամեն վատ զգացողություն»,-ասել է Վովա Արզումանյանը։

Պոպուլյար

Հատուկ

Top