logo
Blog single photo

«ԱՄԵՆ ԾՆՎՈՂԻ ՀԵՏ ԾՆՎՈՒՄ ԵՄ, ԱՄԵՆ ԶՈՀՎՈՂԻ ՀԵՏ ԶՈՀՎՈՒմ ». ԳԱԼՅԱ ԱՌՈՒՍՏԱՄՅԱՆ

Այսօր «ԼՂՀ զոհված ազատամարտիկների հարազատների միություն» հասարակական կազմակերպության հիմնադիր -նախագահ, հասարակական գործիչ, գրող, Արցախյան շարժման, ազգային- ազատագրական  պայքարի ակտիվ մասնակից Գալյա Առուստամյանի հիշատակի օրն է.

Գալյա Առուստամյանը ծնվել է 1939թ. սեպտեմբերի 23-ի Ասկերանի շրջանի Խնձիրստան գյուղում։ 1957 թվականին ընդունվել և ավարտել է տեղի միջնակարգ դպրոցը։ 1958 թվականին աշխատել է Ղարմետաքսկոմբինատի գործվածքային արտադրամասում որպես ջուլհակուհի։ 1992 թվականի նոյեմբերի 19-ին Արցախյան  պատերազմում կրտսեր որդու՝ Գրիգորի Առուստամյանի զոհվելուց հետո  տիկին Գալյան վճռականորեն որոշում է հիմնադրել մի կառույց, որը կդառնա  զոհված ազատամարտիկների, զոհված ազատամարտիկների հարազատների և բանակ-հասարակություն կապող օղակ։ Գալյա  Առուստամյանն անգնահատելի ներդրում է ունեցել ԼՂՀ զոհված ազատամարտիկների հիշատակը վառ պահելու , բանակ-հասարակություն կապի ամրապնդման և  մատաղ սերնդի հայրենասիրական  դաստիարակության գործում։ 1994 թվականից նա  սկսեց ղեկավարել իր իսկ նախաձեռնությամբ հիմնադրած <<Զոհված ազատամարտիկների հարազատների միությունը  և զոհված ազատամարտիկների հուշ-թանգարանը>>։ Գալյա Առուստամյանն անմնացորդ նվիրված էր իր սուրբ սակայն այդչափ դժվարին  աշխատաքին։ Նրա համար բոլոր նահատակներն իր երեխաներն էին։ Գալյա Առուստամյանի հեղինակային գրքերից են՝ <<Սպասում>> հուշագիրը, գրքում  նկարագրված է Արցախյան շարժման ընթացքը, սույն գիրքը 1995 թվականին արժանացել է Եղիշեի անվան մրցանակի։ Նա հեղինակել է նաև ՝ <<Իմ սերը ձեզ հետ է ողջեր և նահատակներ>>,  <<Ստեփանակերտ, փառքի հուշամատյան>>, <<Իմ պատիվ, իմ ցավ՝Ղարմետաքսկոմբինատ>> թանգարանային ուղեցույցները։                                       Գալյա Առուստամյանն անձնուրաց աշխատանքի համար բազմիցս պարգևատրվել է մեդալներով, պատվոգրերով, շնորհակալագրերով։

 

 

 

 

Top