ՎԵՐՋԻՆ ՀՐԱԺԵՇՏԸ ԱՆԴՐԵՅ ՂԱՐԱՄՅԱՆԻՆ

Կյանքից վաղաժամ հեռացել է լավ ընկեր, նվիրված եղբայր, ընտանիքի հոգատար հայր, ազնվագույն մարդ, իսկական հայրենասեր՝ Անդրեյ Ղարամյանը .

Անդրեյ Սուրենի Ղարամյան․ Լավ մարդ, լավ մասնագետ, ուսուցիչ՝ ով միշտ ուրախանում և հպարտանում էր իր աշակերտների հաջողություններով և նպաստում ուսման մակարդակի բարձրացմանը։ Հայ ազգային-ազատագրական պայքարի նվիրյալ, Արցախյան ազատամարտի մասնակից։

Անդրեյ Ղարամյանը ծնվել է 1959 թվականի սեպտեմբերի 6-ին Ասկերանի շրջանի Ակնաղբյուր գյուղում:

1966թ. սովորել է Ակնաղբյուր գյուղի ութամյա դպրոցում:

1974-1976թթ. ուսումը շարունակել է Ստեփանակերտի թիվ 2 միջնակարգ դպրոցում:

1976-1981թթ. սովորել է Երևանի պետական համալսարանի մեխանիկամաթեմատիկական ֆակուլտետում՝ ստանալով մաթեմատիկայի ուսուցչի որակավորում: Համալսարանում ուսանելու տարիներին ստացել է նաև ռազմական կրթություն: Անձնանվեր ծառայության համար ստացել էր լեյտենանտի զինվորական կոչում:

1982 թվականին Ակնաղբյուր գյուղի կուլտուրայի տան գեղմասվարն էր։

1982թ. սեպտեմբեր՝ գյուղի միջնակարգ դպրոցում աշխատում էր որպես մաթեմատիկայի ուսուցիչ։

1984-1985 ուսումնական տարում նշանակվել է ուսումնադաստիարակչական աշխատանքների գծով դպրոցի տնօրենի տեղակալ:

1990-1993թթ.՝ նշանակվել է նույն դպրոցի տնօրեն։

1993թ. մայիսին կամավոր զինվորագրվել է ԼՂՀ ինքնապաշտպանության բանակ և նշանակվել Ասկերանի պաշտպանական շրջանի 5-րդ գումարտակի անձնակազմի հետ տարվող աշխատանքների գծով հրամանատարի տեղակալ:

1995թ. ապրիլի 30-ին Շոշի թիվ 16 ընտրատարածքից ընտրվել է ԼՂՀ 2-րդ գումարման ԳԽ պատգամավոր: Եղել է ագրարային հանձնաժողովի անդամ:

2000-2011թթ. զբաղվել է մասնավոր ֆերմերային տնտեսությամբ:

2011թ. սեպտեմբեր՝ Ակնաղբյուրի միջնակարգ դպրոցի մաթեմատիկայի ուսուցիչ:
Ունի ԽՍՀՄ սպորտի վարպետի կոչում (շաշկի):

Պարգևատրվել է «Մարտական ծառայություն» մեդալով (ԼՂՀ նախագահի թիվ 55-Ա հրամանագիր 07.05.2008թ.):