- Երևան
- Հետադարձ կապ
Պատերազմ մեկնելուց առաջ Արկադին ամուսնական մատանին փոխանցում է տիկնոջը՝ Սուսաննային և երեք անչափահաս երեխաների՝ Նվերի, Նորայրի և Նախշունի առջև երդվել տալիս տիկնոջը, որ եթե հանկարծ ի՛նքը հետ չվերադարձավ պատերազմից Սուսաննան պետք է վաճառի ամուսնական ոսկե մատանին և իր անձնական մեքենան...
Արկադի Ներսիսյանը ծնվել է 1960 թվականի փետրվարի 5-ին Մարտակերտի շրջանի Հարությունագոմեր գյուղում։ 1976 թվականին ավարտել է գյուղի միջնակարգ դպրոցը և միևնույն թվականին ընդունվել Հրազդանի շինարարական տեխնիկումը։ Աշխատել է Հրազդանի երկաթաբետոնե կոնստրուկտիվ գործարանում որպես վարպետ։ 1982 թվականին վերադարձել է հարազատ գյուղ։ Արցախյան գոյամարտի առաջին իսկ օրերից կամավորագվել է որպես մարտիկ և մասնակցել մի շարք ազատագրական ռազմագործողությունների։
28 տարի առաջ այս օրը՝ 1992 թվականի հուլիսի 9-ին Մարտակերտի շրջանի Հարությունագոմեր գյուղի պաշտպանության ժամանակ հերոսաբար նահատակվում է Արկադին։
Արկադի Ներսիսյանը հետմահու պարգևատրվել է ԼՂՀ <<Արիության համար>> մեդալով։
