logo

Աջակցություն Արցախի դպրոցականներին. 617 հատ սմարթֆոն հեռախոս է նվիրվել Արցախի աշակերտներին

ԱՀ Կրթության, գիտության և մշակույթի նախարարությունը մշակել է «Արցախի Հանրապետության հանրակրթական դպրոցներում առցանց ուսուցման համար տեխնիկական միջոցների հատկացման» ծրագիր, որի նպատակն է ուսումնական գործընթացի հեռավար եղանակով կազմակերպումը և աշակերտության շրջանում համակարգչային գրագիտության, նոր տեխնոլոգիաներին տիրապետելու հմտությանը նպաստելը: 

Այս ամենից ելնելով, ԱՀ ԿԳՄ նախարար Լ. Ղարախանյանը դեռևս հուլիս ամսին դիմել էր ինձ, աջակցելու այս ծրագրի գործադրման համար ֆինանասավորում հայթայթելու, բարեգործներին իրազեկելու և հովանավորներ գտնելու մասով:

Կապեր հաստատելով մի շարք սփյուռքյան բարեգործական կազմակերպությունների ու անհատ բարեգործների հետ պետք է ուրախությամբ նշեմ, որ ԱՐՑԱԽԻ ԲԱՐԵԿԱՄ մեր հայրենակիցները պատրաստակամություն են հայտնել աջակցելու 617 հատ սմարթֆոն հեռախոս ձեռք բերելու համար: Բարեգործության ընդհանուր ֆոնդը կազմել է 13.734.700 ՀՀ դրամ:

Սմարթֆոն հեռախոսները ձեռք են բերվել Վիվա-ՄՏՍ-ընկերությունից, որը նույնպես աջակցել է ծրագրին՝ տրամադրելով  սմարթֆոնները շուկայականից ցածր արժեքով՝ հաշվի առնելով նախաձեռնության բարեգործական բնույթն ու կարևոր առաքելությունը:

Արցախ-Սփյուռք գործակցությունը նոր հորիզոններ է նախանշում:

Ազատուհի Սիմոնյան 

 

Top